Една моја долгогодишна пациентка ослабе 68 кг. Пред да почнете да размислувате „Леле, тоа се многу килограми“, или „Како ли го направила тоа?“, да ви кажам дека не ги симна сите тие килограми одеднаш. Всушност, таа веќе петпати по ред ги губи истите 13 кг. Таа е класична „јо-јо диеталка“ – качува и симнува килограми, но ретко се задржува на иста тежина. Одамна е веќе познато дека е поверојатно луѓето да имаат јо-јо ефект во слабеењето кога се на режими за намалување на телесната тежина што не се добро испланирани или се премногу строги за да се придржуваат до нив долго време.(1-4)
Штом ќе направат грешка и ќе отстапат од режимот, се враќаат на старите навики, се враќаат и килограмите и целиот тој циклус почнува од почеток.
Нема ништо лошо во тоа да се биде амбициозен, со голема желба тежината да се држи под контрола. Кога имате желба и мотивација да ја постигнете својата цел, веќе сте добиле половина од битката. Меѓутоа, треба да знаете дека ако се обидувате да постигнете премногу за прекратко време, тоа лошо ќе ви се одрази. Бидете реални во врска со тоа колку работи можете да смените одеднаш, и прифатете го резултатот што тие промени ќе ви го донесат.
Водете си евиденција како напредувате, тоа е проверена стратегија да не отстапите од зацртаниот план. Ќе ви помогне и ако најдете извори на поддршка. Супер е ако имате друштво за вежбање, а на некои луѓе многу им значи помошта што ја добиваат преку онлајн заедници. За крај, бидете флексибилни и учете од своите грешки. Ако пробате некој нов режим на вежбање или нов вид храна кои не ви се допаѓаат, тогаш пробајте нешто друго. Не заборавајте, не ви е цел да намалите што е можно повеќе килограми за што е можно пократко време, туку да изградите здрави навики во исхраната и во физичката активност што ќе ви помогне да ја намалите тежината и да го задржите резултатот.
Се разбира, решавањето на проблемот со јо-јо диетите во голема мера зависи и од промените што ќе ги направите во однесувањето.(4-5) Јадете помали, почести оброци кога сте гладни. Водете сметка да внесувате храна со богата со нутриенти со секој оброк и ужина. Организирајте си ги оброците однапред, водете евиденција како напредувате и најдете си некој да ви помогне – сето ова ви е многу важно за да успеете. Нема далеку да стигнете ако тргнете со спринт кон целта, па потоа почнете да џогирате во спротивната насока. Кога се работи за успешно намалување на вишокот килограми, трката ја добиваат оние што трчаат пополека и стабилно.
Сузан Бауерман е директор за Обука за исхрана во Herbalife Nutrition. Сузан е регистриран нутриционист и сертифициран специјалист за спортска исхрана.
Референци:
- Eun-Jung Rhee. Weight Cycling and Its Cardiometabolic Impact J Obes Metab Syndr. 2017 Dec 30;26(4):237-242.
- Maclean PS, et al. Biology's response to dieting: the impetus for weight regain. Am J Physiol Regul Integr Comp Physiol. 2011 Sep;301(3):R581-600.
- Obes Rev. Schutz Y, et al. Low-carbohydrate ketogenic diets in body weight control: A recurrent plaguing issue of fad diets? . 2021 Mar;22 Suppl 2:e13195.
- Raynor HA, et al. Position of the Academy of Nutrition and Dietetics: Interventions for the Treatment of Overweight and Obesity in Adults J Acad Nutr Diet. 2016 Jan;116(1):129-47.
- Yumuk V, et al. European Guidelines for Obesity Management in Adults Obes Facts. 2015;8(6):402-24.